LG anuncia un televisor LED de 84 polgadas e UHDTV

LG anunciou en Corea do Sur o lanzamento do seu novo televisor 84LM9600, que sorprende pola súa enorme pantalla cunha diagonal de 84 polgadas e cunha resolución de 3.840 x 2.160 píxeles (equivalente a 4 pantallas de alta definición) que goza de prestación Smart TV e incluso Cinema 3D, de xeito que permite ver películas estereoscópicas Full HD con lentes pasivas. Sobra dicir que o seu prezo é prohibitivo (25 millóns de wons, ou sexa, máis de 18.000 euros) e que na actualidade non se están a comercializar contidos en ultra alta definición (UHDTV) de xeito que estariamos ante un produto do que será difícil tirar proveito pleno (agás de empregalo conectado a un ordenador, que sería a única plataforma comercial actual capaz de manexar imaxes de definicións que vaian máis aló do Full HD).